ඩයිනෝසරයන් මිහිමත අණසක පතුරවපු කාලෙදිම ඊට නොදෙවෙනි වෙනත් ජීවි විශේෂයන් විවිධ පාරිසරික නිකේතන තමන්ගෙ අණසකට නතු කරගත්තා. ටෙරෝසෝරයන් ගුවනත්, ප්ලෙසියොසෝරයන්, මොසැසෝරයන් සහ ඉක්තියෝසෝරයන් සාගරයටත් විවිධාකාර වලින් හැඩගැසෙද්දි තවත් ඉතාමත් පැරණි රෙප්ටීලියාවන් කොටසක් ජලාශ්රිත පාරිසරික නිකේතන තුල සුපිරි විලෝපික තත්වයට පරිණාමය වෙනවා.
සාර්කෝසුකස් (Sarcosuchus) නැමැති උරග ගනය ගැන තමයි මේ කතා කරන්නෙ. ඔවුන් වර්තමානයේදි ජීවත් වෙන කිඹුල් විශේෂ වලට දුර නෑකමක් තිබුන උරග ගනයක් නමුත් පෙනුමෙන් බොහෝ සමාන ලක්ෂණ දැරුවට ඔවුන් කිඹුල් (Crocodiliform) ආකාරයක් නෙවෙයි.
 |
| වර්තමානයේදි ජීවත් වුන කිඹුල් හිස් කබලක් සමඟ සාර්කෝසුකස් හිස්කබලක ප්‍රමාණාත්මක සංසන්දනය |
සාර්කෝසුකස් ෆොසිල ලැබෙන්නේ ඉහල ක්රිටැසියස් යුගයට අයත් පාංශු ස්ථර වලින්. මීටර් 11 -12 අතර සාමාන්ය දිගකින් හෙබි ( අඩි 35 -40) පමණ මේ සත්වයන්ගෙ ෆොසිල වැඩි හමුවන්නෙ අප්රිකා සහ දකුණු ඇමරිකා කලාපයන්ගෙන්. මේ සත්වයන් ටොන් 8 පමණ බරට වැඩෙන්නට ඇති බවට අනුමාන කෙරෙනවා. වර්තමානයේදි ජීවත්වන ගේරියල් කිඹුල් ආකාරයට සමාන දිගටි හනු පිහිටීම විශේෂ ලක්ෂණයක්. දැනට සාර්කෝසුකස් ගනයේ විශේෂ ද්විත්වයක් හඳුනාගෙන තිබෙනවා.
- සාර්කෝසුකස් ඉම්පරේටර්
- සාර්කෝසුකස් හාර්ටී
ඉහල ක්රිටැසියස් අවධියේදි ජීවත් වුන විශාල ඩයිනෝසරයන් සාර්කෝසුකස් සත්වයන් විසින් දඩයම් කර ඇති බවට සාධක තිබෙනවා.
 |
| සාර්කෝසුකස් ප්‍රතිනිර්මාණ කිහිපයක් |
(ඡායාරූප සහ ප්‍රතිනිර්මාණයන් අන්තර්ජාලයෙන් උපුටා ගන්නා ලදී)
#DOE
No comments:
Post a Comment