ෆොසිලභවනය නොවී, සම, මස්, DNA සහිතව, ජීවත්ව සිටි ආකාරයටම හිම මත තිබී හමුවු වසර මිලියන ගනනක් පැරණි ජුරාසික යුගයට අයත් ඩයිනෝසර පාදයක් කියලා ලේසියෙන්ම කියන්න පුළුවන් විදියේ ඡායාරූපයක්...
ඇත්තටම මේ තියෙන්නෙ ඩයිනෝසර පාදයක් නෙවෙයි වර්තමානයේදි ජීවත්වන කැසොවරි පක්ශියෙකුගෙ පාදයක්. කැසොවරිස්ලා ජීවත් වන්නෙ නිව්ගිනියා සහ ඔස්ට්රේලියානු කලාපයේ. වර්තමානයේදි කැසොවරි විශේෂ තුනක් දකින්න පුළුවන්, ඒ අතරින් සදර්න් කැසොවරි (Casuarius casuarius) සත්වයෙකුට අයත් පාදයක් තමයි මේ. ආර්කෝසෝරියා නැමැති පුර්වජ කාණ්ඩයෙන් පක්ශීන් අයත් ආවේස් කාණ්ඩය පරිණාමය වන්නෙ ඩයිනෝසරයන්ගේ එක් පුරුකකින්. සරලවම කිව්වොත් පක්ශීන් කියන්නෙ ඩයිනෝසරයන්ගෙ වර්තමාන ඤාතීන් කොටසක්. මේ කැසොවරි පාදය රූප විද්යාත්මකව එය සනාථ කරන්න පුළුවන් හොඳම නිදසුනක්.
කැසොවරි පක්ශීන් ලොකේ තෙවනියට උසම පක්ශින් වන අතරේ දෙවනියට බරින් වැඩිම පක්ශියා. පැස්බරා සහ එමූ පක්ශීන් තමයි ඔවුන් සමඟ කරට කර සිටින අනෙක් විශේෂ. මේ පක්ශි වර්ග තුනම මරාන්තික පා පහරවල් ලබා දීමට ප්රසිද්ධියක් උසුලන විශේෂ. කැසොවරි කුරුල්ලන් එක් පා පහරකින් උදරය විවර වන ලෙ පහර දීමට හැකියාවක් තිබෙන බවට ඔස්ට්රේලියානු ඇබොරොජින් ආදීවාසීන් අතර ප්රසිද්ධ කතාවක් තිබෙනවා.
පරිණාමයේ ජීවමාන සාක්ෂි ඔබ මේ දකින්නෙ. කැසොවරි සත්වයන් බලන්න කැමතිනන් දෙහිවල සත්වෝද්යානයේදි ඔවුන්ව බලන්න පුළුවන්. සත්වොද්යානයට යනවා නම් මේ කරුණත් මතක තබාගන්න. සත්වෝද්යානයන්ගෙ සතුන් සිර කර තබා තිබෙන්නේ ඔවුන්ගෙ නිදහස පූර්ණ ලෙසම අහිමි කර. එම නිසා ඔබ ඔවුන් නරඹන විට සත්වෝද්යාන රීති වලට අවනත වෙන්න. ආහාර ලබා දීම, ගල් ගැසීම වගේ ප්රාථමික දේවල් නොකරන්න. සෑම ජීවියෙකුටම යම් ගරුත්වයක් සතුයි.
පහල තිබෙනවා කැසොවරි සත්වයෙකුගෙ සම්පූර්ණ ඡායාරූපයක්.
 |
| කැසොවරි |
(ඡායාරූප අන්තර්ජාලයෙන් උපුටා ගන්නා ලදී)
#DOE
No comments:
Post a Comment