සාබි සෑන්ඩ්ස් රක්ශිතය තුල උතුරු පෙදෙසේ බලය තහවුරු කරගෙන සිටි උතුරු කෝලිශන් එක සුණුවිසුණු වීමත් සමඟම මපෝගෝස් සහෝදරයන් තමන්ගෙ පලමු බිම්කඩ තහවුරු කරගන්නවා. උතුරු කෝලිශන් එක යටතේ තිබුන ප්‍රයිඩ් එකේ සියලු පැටවුන් ඝාතනය කිරීමට මපෝගෝස්වරු වගබලා ගන්නවා.
එතැන් පටන් ඇරඹෙන්නෙ සාබි සෑන්ඩ් රක්ශිතය තුල බිහිසුණුම කාලපරිච්ඡේදයයි. අසාමාන්‍ය රෞද්‍ර බවකින් හෙබි මපෝගෝස්වරු ක්‍රමයෙන් තමන්ට මුණගැසෙන සියළු සිංහයන් ඝාතනය කිරීම ඇරඹෙනවා. සාමාන්‍යයෙන් ප්‍රයිඩ් එහෙකට අයිතිවාසිකම් කියන පිරිමි සිංහයන් ඝාතනය කිරීම හෝ පලවා හැරීමෙන් පසු ප්‍රයිඩ් එකේ ගැහැණු සතුන්ට පහරදීම සිදු නොවන්නක්. මපෝගෝස්වරු මේ රීතිය බිඳ දමමින් සාබි සෑන්ඩ් රක්ශිතය තුල භීතිය පැතිරවීම ආරම්භ කරනවා.
කැස්ටල්ටන්, ට්සාලාලා, ශිමුන්වන්යානී ප්‍රයිඩ් තුන මපෝගෝස් ආධිපත්‍යට නතුවු ප්‍රයිඩ් කිහිපයක්. මේ ප්‍රයිඩ් වලට හිමිකම් කියු සියළු පිරිමි සිංහයන් ඝාතනය කරන මපෝගෝස්වරු සාමාජිකයන් 22 කින් සමන්විත වූ කැස්ටල්ටන් ප්‍රයිඩ් එක සාමාජිකයන් හයකටත්, සාමාජිකයන් දහයකින් සමන්විත වූ ට්සාලාලා ප්‍රයිඩය සාමාජිකයන් පහකටත්, සමාජිකයන් දයහකින් සමන්විත වූ ශිමුන්වන්යානී ප්‍රයිඩය සමූලඝාතනයටත් ලක්කරනවා. උතුරු කෝලිශන් එක පරාජය කර ඇරඹි සංහාරය සාබි බටහිරටත් , දකුණටත් දියත් කිරීමට මපෝගෝස්වරු සමත් වෙනවා.
සාබි රක්ශිතය තුල මේ සහෝදර සන්ධානය ඇතිකරන භීතිය කොපමණද යත් සාබි සෑන්ඩ් ජෛව විවිධත්වය වෙනස් කිරීමට එය සමත් වෙනවා. අප්‍රිකානු දඩබිම් තුල හිනි පෙත්තෙ සිටින දඩයම්කරුවන් ක්‍රමයෙන් දඩයම බවට පත්වන විට සාබි සිංහ ගහනය 40% කින් පහත දැමීමට මපෝගෝස් කෝලිශන් එක ක්‍රියාත්මක වෙනවා. මපෝගෝස්වරුනට අභියෝගයක් එල්ල කිරීමට කිසිඳු කෝලිශනයකට හැකියාවක් ලැබෙන්නේ නෑ. 2007 වර්ශයේදි සාබි සහ බටහිර කෘගර් සීමාවෙ ආධිපත්‍ය පතුරන ඇල්ෆා සිංහයා වන්නෙ රොකී. විශාල සිංහයෙකු වන රොකී වනසත්ව ලෝලීන්ගෙ ප්‍රියතමයෙක්. ට්සාලාලා ප්‍රයිඩයේ අයිතිකරු වන රොකී මපෝගෝස්වරුන් විසින් බිහිසුණු ලෙස ඝාතනය කරනවා පමණක් නොව සාමාන්‍යයෙන් සිංහයන් සිදු නොකරන වර්ගයා ආහාරයට නොගැනීමේ රීතිය පසෙකලා රොකීව ආහාරයට ගැනීමට මපෝගෝස්වරු කටයුතු කරනවා.
වාර්තා වන අන්දමට වසරක් තුල මපෝගෝස් සිංහ ගොදුරු ප්‍රමාණය 100 ඉක්මවු බව සඳහන්. න්කුහුමා ප්‍රයිඩයේ ඇල්ෆා වන බ්ලොන්ඩි , මපෝගෝස්වරුන්ගෙ තවත් මහේශාක්‍ය ගොදුරක්. පෙර සඳහන් කල ප්‍රයිඩයන්ට අමතරව ඔතාවා, සෑන්ඩ් රිවර් ප්‍රයිඩයන් මපෝගෝස් කෝලිශන් එක යටතට පත්වු තවත් ප්‍රයිඩයන්..
මපෝගෝස් කෝලිශනයේ ඇල්ෆා ලෙස කටයුතු කල මකූළු ඉතාමත් ප්‍රතාපවත් සිංහයෙකු බව පෙර සඳහන් කලා. වරක් මන්යෙලාටී නදිය අසබඩ මියගිය කුළු මීමකු වටකර හයිනා රැලවල් දෙකක් එය බුදින විට තනි ගර්ජනාවකින් හයිනාවන් සීසිකඩ යැවීමට මකුළු සමත් වු බව පැවසෙනවා. කුළුමීම් කුණ සහ මකූළු අතර රැඳී සිටි 25 දෙනෙකුගෙන් පමණ සමන්විත අප්‍රිකානු ඇතුන් සමුහයක් සිංහයා දෙසත්, සිංහයා ඔවුන් දෙසත් මුහුණට මුහුණ බලාසිටීමෙන් අනතුරුව අවසානයේදි ඇත් රංචුව සිංහයාට ඉඩදෙමින් ඉවත්ව ගිය බව වාර්තා වෙනවා. සාමාන්‍යයෙන් ජලය තුලදි කිඹුලකු යනු පරාජය කල නොහැකි සතුරෙක්. මන්යෙලාටි නදිය අසබඩ කිඹුලන් මේ කෝලිශනය පැමිණෙන විට ඉවත්වන බව සඳහන්. (මේ කාරණය අතිශයෝක්තී ගනයට දැමීමට නොහැක්කෙ සිංහ ගර්ජනාවකින් කිඹුලකු පසුබසින අවස්ථාවක් රූපරාමුවට නැගී ඇති බැවින්)
සාබි සෑන්ඩ් කොටසින් කොටස තම අණසකට නතු කරගන්නා මපෝගෝස්වරු බටහිර සීමාවේ සිට මහා කෘගර් වනෝද්‍යානය තෙක් සීමාව දක්වාත් මන්යෙලාටි නදියෙන් දකූණු සීමාවන් දක්වාත් තමන්ගෙ සීමාවන් ප්‍රසාරණය කිරීම සිදුකරනවා. සිංහයන් සතු සීමාවන් සාමාන්‍යයෙන් හෙක්ටෙයාර 20000 - 25000 අතර ප්‍රමාණයක මධ්‍යන අගයකින් සමන්විතයි. අතිශයින්ම අසාමාන්‍ය ලෙස මපෝගෝස් කෝලිශනය තමන්ගෙ ආධිපත්‍ය හෙක්ටෙයාර 70000 කට අධික සීමාවක් පුරා පැතිරවීමට සමත් වෙනවා..
 |
| මාපෝගෝ කෝලිශනය |
(ඡායාරූපය අන්තර්ජාලයෙන් උපුටා ගන්නා ලදී)
To be continued...
#DOE
#Don
No comments:
Post a Comment