සිංහයන් පිළිබඳව අධ්‍යනය කරන්නන් එතෙක් නොඇසු විරූ සිද්ධියක් තමයි කෝලිශන් එකක තනි පාලනයක් යටතේ තිබුන භූමියක් ඒ කෝලිශනයම දෙකඩ වී බෙදා වෙන්කර පාලනය කිරීම. විද්‍යාත්මකව මේ ගැන පලමුවරට නිරීක්ෂණය වන්නෙ මපෝගෝස් බටහිර සහ නැගෙනහිර කෝලිශන් වලින්.
ටී සහ කින්කි නැගෙනහිර භූමියට ගමන් කිරීමත් සමඟ නැගෙනහිරින් පිහිටි කෘගර් රක්ශිතයෙන් විවිධ අවස්ථාවන්වල පැමිණෙන සිංහයන් පරාජය කිරීම ටී සහ කින්කි විසින් සිදුකරනු ලබනවා. මේ දෙසොහොයුරන් විශාල භූමි ප්‍රමාණයක් ආරක්ෂා කරන්නෙ ඉතාමත් නිර්භීත අයුරින්. ඔවුන් පරාජය කුමක්ද යන්නට තවමත් නිසියාකාරව හඳුනාගෙන නෑ. පෙර කොටසක සඳහන් කරා මේ වනයන් තුල පැවැත්ම රඳා පැවතීමට බලපාන එක් සාධකයක් වන්නෙ අත්දැකීම් බව. කින්කි සහ ටී සටන් අත්දැකීම් වලින් පරිපුර්ණයි. නමුත් පරාජය නොහැඳිනීම ඔවුන් සතුවු එක් අවාසිදායක තත්වයක්. සිංහයන්ගෙ නිර්භීත බවට වූවද සීමා මායිම් තිබෙනවා, නමුත් මොවුන් දෙපලට එලෙස සීමාවන් නැහැ.
වරින් වර පැමිණෙන අභියෝග කින්කි සහ ටී මැඩපවත්වන අතරේ බටහිර මපෝගෝස් සන්ධානය එතරම් කරදරයකින් තොරව බටහිර ප්‍රදේශය පාලනය කරනු ලබනවා. මේ වන විට මකුළු යටතේ වූ ප්‍රයිඩයන් කිහිපයකම පැටවුන් බිහිවී තිබෙනු නිරීක්ෂණය වෙනවා. සිය සිමා ලකුණු කරමින් අඩවිය තහවුරු කරගැනීමේ කාර්යභාරය සඳහා සතියක් දෙකක් පමණ රැහෙන් අතුරුදහන් වන මකූළු නැවත පැමිණ ප්‍රයිඩය සමඟ කාලය ගත කරනු ලබනවා.
මෙලෙස කාලය ගතවන අතරතුර කෘගර්හි තවත් බලවත් කෝලිශනයක් බිහිවෙනවා. සිංහයන් පහකින් සමන්විත මේ කෝලිශනය හඳුන්වන්නේ 'මජින්ගලානීස්' කෝලිශනය ලෙස. කෘගර් වලින් පිටමන් වන මේ කෝලිශනය 2009 වර්ශයේදි සාබි රක්ශිතයට උතුරින් වූ මන්යෙලාටි රක්ශිතය දෙසින් ටී සහ කින්කි පාලනය කරන නැගෙනහිර මපෝගෝස් භූමිය තුලට ඇතුල් වෙනවා. රාත්‍රියේ අන්ධකාරයත් සමඟ සාබි තුලට නිහඬවම ඇතුලු වන මේ කෝලිශනය ටී සහ කින්කි වෙත අභියෝගය එල්ල කරන්නෙ ඉන් මාස කිහිපයකට පසුව. 2:5 අනුපාතය යනු සිංහයන් පසුබසින අනුපාතයක්. නමුත් ටී සහ කින්කි යනු පරාජය නොහඳුනන අතිශයින්ම නිර්භීත සිංහයන් දෙදෙනෙක්. ටී සහ කින්කි හවුල මජින්ගලානීස් කෝලිශනය වික්ෂිප්ත කරමින් වෙන් කරගන්නා මජින්ගලානීස් සාමාජිකයෙකු ඝාතනය කිරීමට සමත් වෙනවා. දරුණු සටනකින් අහවර වන මෙය කින්කි සහ ටීගෙ ජයග්‍රහණයෙන් අහවර වුනත් ඔවුන් දෙදෙනාටම දැඩි ලෙස තුවාල සිදුවෙනවා.
 |
| කින්කි සහ ටී විසින් මජින්ගලානීස් සාමාජිකයාට පහර දීම |
මජින්ගලානීස් කෝලිශනය ඉතුරු සාමාජිකයන් වන ඩාර්ක් මේන්, ස්කාර්-නෝස්, හිප්-ස්කාර් සහ ගෝල්ඩන් මේන් තමන්ට වුන ප්‍රහාරයෙන් පසු දින නැවත ප්‍රතිසංවිධානය වී කින්කි කොටු කර ගැනීමට සමත් වෙනවා. කින්කි සහ ටී සැමවිටම එකට සිටියත් මජින්ගලානීස් කෝලිශනයට නැවත කින්කිව හමුවන විට ඔහු සිටින්නේ තනිවම. මජින්ගලානීස් ප්‍රහාරයට තනිවම මුහුණ දෙන කින්කිගෙ සහයට ටී පැමිණෙන විට කින්කි අතිශයින්ම බරපතල තත්වයක සිටින්නේ. දැඩි ලෙස තුවාල සිදුවු මේ මෘගයාගෙ සිරුර මත මජින්ගලානීස් සිංහයන් සතර දෙනා තැනින් තැන සපා කෑමට ලක්කරනවා. ටී පැමිණ සොහොයුරාව ගලවා ගැනීමට උත්සහ දැරුවත් එවිට ප්‍රමාදවී වැඩියි. අසාර්ථක උත්සහයක නියැලෙන ටී පසුබසින අතර මජින්ගලානීස් කෝලිශනය කින්කිව ඝාතනය කරනු ලබනවා. මේ අවස්ථාව වන විට වන රක්ශකයන්, සත්වවේදින් මේ අසල සිටියත් ස්වාභාවික ක්‍රියාවලියට ඔවුන් බලපෑම් කරන්නෙ නෑ. වීඩියෝගත වන රූප රාමු කිහිපයකම කින්කිගෙ කොඳුඇට පෙල බිඳෙන ශබ්දය පැහැදිලිව ඇසෙන්නේ සිංහයන්ගෙ සමාජ ක්‍රමය තුල බිහිසුණු බව යලිත් සනාථ කරමින්. රාත්‍රීය උදාවී නැවත හිරු නැගෙන විට මපෝගෝස් කෝලිශනයේ එක් මහේශාක්‍ය මෘගයෙකු සිය අවසන් හුස්ම පිටකර හමාරයි. අප්‍රිකානු දඩබිම් තුල දිරාපත් වීමට කිසිත් ඉතිරි නොකරමින් කුණප බුදින්නන් සහ වෙනත් සතුන් කින්කිගෙ ඡායාවක්වත් ඉතිරි නොවන ලෙස ස්වාභාවික චක්‍රයට මුදා හැර අවසන්.
 |
| කින්කි |
 |
| කින්කිගෙ අවසන් ඡායාරුපයක් |
සිය සොහොහුරාගේ වියෝවත්, දරුණු ලෙස පාදයට සිදුව තිබෙන හානියත් අනුව ටීට තවදුරටත් සටන් කිරීමට නොහැකි බව තහවුරුයි. ඔහුට තිබෙන්නේ තාර්කික විකල්ප දෙකයි. අහිකුණ්ඨික දිවියක් ගත කරමින් වනයට පසු බැසීම හෝ සිය සහෝදරයන් සිටින බටහිර කෝලිශනයට නැවත ගමන් කිරීම. මකූළුට තර්ජනයක් එල්ල කරමින් පිටමන්ව ගිය ඔහුව බටහිර කෝලිශනය විසින් නැවත බාර ගනීද යන්නට ගැටලුවක්. ටී තෝරාගන්නේ දෙවන විකල්පය. එනම් සිය සහෝදරයන් සිටින බටහිර කෝලිශනයට පසුබැසීම...
(ඡායාරූප අන්තර්ජාලයෙන් උපුටා ගන්නා ලදී)
To be continued...
#DOE
#Don
No comments:
Post a Comment