Ichnofossils එහෙම නැත්තන් Trace fossils ගැන දින කිහිපයකට පෙර ලියපු සටහන මන් හිතන්නෙ ගොඩක් දෙනෙක්ට අලුත් දැනුමක් වුනා. Ichnology විෂයේ නියැලෙනකොට අතීත සටහන් අර්ථනිරූපනය කිරීම වගේම එදිනෙදා පරිසරය තුල හමුවෙන ට්‍රේසස් එහෙම නැත්තන් සලකුණු රීඩ් කරන එක අභ්‍යාසයක් විදිහට සිදුකරනවා. ඒ වගේම වර්තමානයේදි ජීවත්වන සත්ව හැසිරීම් මඟින් ඇතිවන සලකුණු පදනම් කරගෙන ඇතැම් අවස්ථාවල අතීත සලකුණු අර්ථනිරූපනය කරගන්නත් පුළුවන්.
ට්‍රේසස් සඳහා හොඳ ආර්කයිව් එකක් තමයි හිම සහ වැලි, ලංකාව වගේ සමකාසන්න පටියේ නිවර්තන දේශගුණික කලාප වලට මේ දෙකම අල්පයි. නමුත් තෙත්බිම්, මඩවගුරුවල මේ දේවල් තියෙනවා.
මේ පැහැදිලි කිරීමට අන්තර්ජාලයේ විවිධ තැන් වලින් එකතු කරගත්ත ඡායාරූප හතරක් ගත්තා. කාන්තාර කලාප වලට වඩා මේ දේ ගැන මම අධ්‍යනය කරේ ආර්ක්ටික් කලාපවල නිසා හිම මත සටහන් වලට වැඩියෙන් ප්‍රිය කරනවා.
පලමු ඡායාරූපයේ තියෙන්නෙ ට්‍රේස් එක සමාකාරව දිවෙන කුඩා සටහන් පෙලක් එකවර අතුරුදහන් වෙනවා. මේ සලකුණු අතර තිබෙන දුර ප්‍රමාණයත්, ගැඹුරත්, අදාාල ප්‍රදේශයේ සත්ව විශේෂත් සලකා බැලුවම මේ සටහන ඇති කරන්නෙ හිම යට ගුහා හාරාගෙන ජීවත්වන මීයන් විශේෂයක්. හිම මතට ඇවිත් ඇවිදිද්දි මේ සත්වයන් පනිමින් ගමන් කරන්නෙ. මේ සටහන් එකවර නැතිවෙන්න හේතුව ඉහලින් ආපු ප්‍රහාරයක්. රැප්ටර් පක්ශි විශේෂයක් මේ සත්වයාව ඩැහැගෙන තිබෙනවා.
දෙවන ඡායාරූපයේ ඉහලින් තිබෙන සටහන ඇති කරන්නෙ හිම මත ජීවත්වන හාවුන් විශේෂයක්. ඒ ට්‍රේස් එක අර්ථනිරූපනය කරන එක පහසුයි අසල තිබෙන පක්ශි සටහනත් සමඟ. ප්‍රහාරය එල්ල කරලා තියෙන්නෙ හිම බස්සෙක්. රාජාලියෙක් තරමටම වැඩෙන මේ හිම බස්සන් හාවුන් ඩැහැ ගැනීමට සමත්. හාවාගෙ ඉරණම එතනදි පැහැදිලියි.
 |
| (1) |
දෙවන ඡායාරූපයේ ඉහලින් තිබෙන සටහන ඇති කරන්නෙ හිම මත ජීවත්වන හාවුන් විශේෂයක්. ඒ ට්‍රේස් එක අර්ථනිරූපනය කරන එක පහසුයි අසල තිබෙන පක්ශි සටහනත් සමඟ. ප්‍රහාරය එල්ල කරලා තියෙන්නෙ හිම බස්සෙක්. රාජාලියෙක් තරමටම වැඩෙන මේ හිම බස්සන් හාවුන් ඩැහැ ගැනීමට සමත්. හාවාගෙ ඉරණම එතනදි පැහැදිලියි.
 |
| (2) |
තුන සහ හතර ඡායාරූප සලකා බැලුවොත් ඔබට නිගමනය කරන්න පුළුවන් කුමක්ද? මේ අර්ථනිරූපනය වරදින්න පුළුවන්. බැලු බැල්මට හිතෙන්නෙ යම් කුඩා සත්වයෙකුව ඉහලින් පැමිණි පක්ශියෙකු ඩැහැගෙන ගොස් ඇති බවට. නමුත් ඒ අර්ථනිරූපනය වැරදි. ඒ දෙකේම වෙලා තියෙන්නෙ වැඩිය පියාඹන්න අකමැති, වැඩිදුර පියාඹන්න නොහැකි පෙසන්ට් පක්ශියකු හා ඊට වඩා කුඩා එවැන් භෞමික පක්ශි විශේෂයක් එකවර අනතුරක සේයාවක් හෝ යම් හේතුවක් නිසා පියඹා යෑම. එකවර තටු විදහා තටු සැලීමට ගන්නා උත්සහයේ ප්‍රතිඵලය තමයි පාද සහ ශරීරයේ බර පෙර සටහන් වලට වඩා මඳක් ගැඹුරට කිඳා බැසීම.
 |
| (3) |
 |
| (4) |
පරිසරය කියන්නෙ අපූරු පුස්ථකාලයක්. එය කියවන්න උත්සහා කිරීම තුලින් බොහෝ දේ දැන හඳුනාගත හැකියි.
(ඡායාරූප අන්තර්ජාලයෙන් උපුටා ගන්නා ලදී)
#DOE
No comments:
Post a Comment